| 
| Настани
Се одржа завршната конференција на проектот "Прекугранично партнерство за заштита на животната средина и подобар квалитет на живот"
03 Дек, 2017
На 1 и 2 декември 2017 година, во Благоевград, Р. Бугарија се одржа завршната конференција на проектот "Прекугранично партнерство за заштита на животната средина и подобар квалитет на живот" ("WasteEDU").
На конференцијата учествуваа претставници од образовни институции, невладини организации, локални и регионални власти од Р. Бугарија и Р. Македонија. Во рамките на настанот беа презентирани резултатите од активностите на проектот, кој во текот на целиот период на спроведувањето послужи како платформа за размена на искуства и споделување на добри практики во образованието за учениците од основното образование во двете држави во однос на животната средина и управувањето со отпад.
Во рамките на конференцијата на училиштата кои учествуваа во активностите на проектот официјално им беше доделена опрема за одделно собирање на отпад, образовни и промотивни материјали од спроведувањето на проектот. Исто така секоја образовна институција доби и сертификат за еколошки одговорно училиште.
Проектот е заедничка иницијатива на СПЕЕ – BG од Р. Бугарија и "Центар за климатски промени - Гевгелија" од Р. Македонија, која се реализира со поддршка на Европската Унија и има за цел да ја подигне свеста и знаењето на младите за заштита на животната средина, преку активното учество во активности за управување со отпад, негово намалување и рециклирање.
Прекугранично партнерство за заштита на животната средина и подобар квалитет на живот (Waste EDU)
Веб страната е кофинансирана од ЕУ преку Програмата за прекугранична соработка ИНТЕРРЕГ - ИПА CCI 2014TC16I5CB006 Бугарија-Македонија. Оваа веб страна е изработена со помош на Европската Унија. Содржината на оваа веб страна е одговорност на Центар за климатски промени - Гевгелија и не ги одразува ставовите на Европската Унија, државите учеснички и раководниот орган.